يالمهدي يمته نشوفك - الشاعر أمجد الزيادي

يالمهدي يمته نشوفك
نحلم نـبـوس چفوفـك

يمته يخلص ليلنه ويطلع فـجر
صار چم جمعه لظهورك ننتضر..

;;;;;;;;;;;;;;;;;;;;;;;;;;;;;;;;;;;;;;;;;;

ملـت عـيون التـحبك دمع كـل أيـامـها
بس حلم رادت تشوفك انت كل أحلامها
بشوفتك يهده وضعها وتنـتهـي الامـها
بيا درب تمشي تشوفك صورتك كدامها

امنين گلي ابديـلك
سيدي شـأشكيـلك

ما نشوفك خوفنه يـكضي العمر
صار چم جمعه لظهورك نـنـتضر..

;;;;;;;;;;;;;;;;;;;;;;;;;;;;;;;;;;;;;;;;;;

بيا كتر خاطر اجيلك كلبـي مـل غـيابـك
بهيئة السائل يغالـي اوكـف انـه ابابـك
ارد احضننك وابوسك واشم عطر ثيابـك
سيدي ما اشكي انته تدري حال احبابك

انته كـل أحلامـي
يالملكـت ايامــي

صعب ليل العاشك بحسره يمر
صار چم جمعه لظهورك ننتضـر
;;;;;;;;;;;;;;;;;;;;;;;;;;;;;;;;;;;;;;;;

رجع يوسف وانه لسه يوسفي ما شفته
منو الشافه خل يگلي شنهو المعذبـتــه
بعيد يمكن لكن انه لـسـه اسمـع ونتــه
كل محب لمن تسأله الفركه المـألـتمــه

احچوله عن احبابه
شصار من غيابـه

صعب عالعاشك اذا جاه العصر
صار چم جمعه لظهورك ننتـضر

;;;;;;;;;;;;;;;;;;;;;;;;;;;;;;;;;;;;;;;;;


الورد يذبل من تعوفه بلا شمس معروفه
كل محبينك تصيح#المهـدي يمته نشوفه
خايفين الصبر يكضي خاف تهوى جروفه
شما يكابر تالي عمره دمعـته مكشوفـه


خاف يخلص عمري
بجيـتـك مـا ادري

يمته اشوفك وانتشي بذاك العطر
صار چم جمعه لظهورك نـنـتضــر
;;;;;;;;;;;;;;;;;;;;;;;;;;;;;;;;;;;;;;;

كالوا الجمعه ظهورك وانتضرنه بـلهـفـه
تدري يالمهدي وضعنه عليك ما ضن يخفه
الدنيا جارت عالفقره وبظهـورك تـصـفـه
ما شفه عكبك جرحنه وما نضنه يشـفــه

صوت الجرح اذانه
الفرح سد بـيـبانه

دورينه عليك ننشد كـل كـتـر
صار چم جمعه لظهورك ننتضر

;;;;;;;;;;;;;;;;;;;;;;;;;;;;;;;;;;;;;;;;

الـشـاعر أمـجـد الـزيـادي