الشهيد يخاطب أمه ويصف حاله في الجنه | الشاعر امجد الزيادي

((الشهيد يخاطب أمه ويصف حاله في الجنه...يقول فيها:))

لا تـونـيـن
صـيري مـثل الـضـحت بأربـع بـنـين
لا تــونـيـن
يمنه عبدالزهره يقره ويبچي الحسين

اهناك هم عدنه مصــاب
حمزه يقره على الشباب....لا تـونـيـن
---- ---- ----- ----- -----
بالشرف يمه نلـت هـاي الـشهاده
غير احنه الشيعه عدنه القتل عاده
يمه كل المات بالـجـنــه مــراده
بالجـنـان هنـاك يلكاها السـعـاده

لــو تـشوفـيـن
يمه أبنچ بالجنان شكـد تفرحين
لــو تـشوفـيـن
كاعد بجنة خلد يـا يمـه تـدرين

هنـاك حـصلـنه الـثـواب
حمزه يقره على الشباب....لا تـونـيـن
---- ---- ---- ---- ---- ---
يمه حمزه هناك ناصـبلـه عـزيــه
يصيح يا محله الوداع بهل المسيه
ويه حمزه هناك متحزمه الزچـيـه
هناك بالجنه الخدم كـلهـا سويــه

بـس تخـدمـيـن
يمه ويه الزهره بالجنه تكعدين
بـس تخـدمـيـن
الثواب بخدمتچ بالجنه تلـكـيـن

الخدم كلها بـلا حـسـاب
حمزه يقره على الشباب..لا تونـيـن
---- ---- ---- ---- -----
وطن يقره يمنه زينب يا غـريبـه
والزچيه صاحت الله شـمـصـيبه
يمنه جبرائيل ينعه على الحـبيبه
اتذكروا حال الصحاري ويا لهيبه

تدمع العين
عالوكع ضامي وتخضب بالـميادين
تدمع العين
على الواكع عالشريعه بلايه چفين

 كـلنه رددنـه الـجـواب
حمزه يقره على الشباب..لا تونـيـن
---- ---- ---- ---- ----
الوطن صاح وكلنه لـبـيـناله داعـه
شعب حيدر يمه نعشكها الـقناعـه
الموت يا يمه بشرف اكبر شجاعه
ولا نعيش بـذلـه ونـموت بمجاعـه

 التـعـب وارباچ
الدنيا والاخره يبـقه يـمـه ويـاج
التـعـب وارباچ
يمه اريدن من غيابي ولدي بحماچ

والحزن ما لحـضه غـاب
حمزه يقره على الشباب...لا تونـيـن
---- ---- ---- ---- ----
ما اريدن يمه اسمع كل مناحـه
راحة الجنه تره ما منها راحــه
الشهيد اليندفن ثوبه وجـراحـه
منكر يسلمه يجي ورقة نجاحه

كلنـه ماشـين
الدرب هذا يمه خطه بدمه الحسين
كلنـه ماشين
الما يموتون بشرف ذوله مسـاكين

والشـهـاده احـلـه بـاب
حمزه يقره على الشباب...لا تـونيـن

الشاعر الاستـاذ امجد الزيادي