هاي ناس تبـيـنـت اسرارها | الشاعر امجد الزيادي

هاي ناس تبـيـنـت اسرارها
ما تريد الحق تريد اشرارها
'''''''''     ''''''''      '''''''''     '''''''''
مثل ذيج الـوادم الـويـه الـرسول
كلها جانت بامره ما تحجي وتكول
اتأمروا تاليـها ضـد فحـل الفحول
واستحلوا حرمـة الزهـره البـتول

هاي حسره لمن حركوا دارها
""""""  """"""   """"""  """"""

ناس هسه نفس ذولاك او اشد
ذبحوا اطفال البعدهم بالـمـهد
يمـته تظـهر لا تطـولـهـا بعـد
يا ابو صالح انه رايد هالـعـهـد

تحرك بنارك اصل فجارها
""""""  """"""  """""" """''""

يا ابو صالح بعد بعد نحمل يا مصاب
بـيـا ذنب هاي الـضحايا من الشباب
المن نعاتـب منـو اليـسمـع عـتـاب
يا جـرح من غـيبتـك يالمهـدي غـاب

شيعتك يالمهدي تدري اخبارها
""""""  """"""  """"""  """""""

جم يتيم بلايه والـي مـن الزغـر
يا ابوصالح روحه عاصرها الهجر
للفرج يالمهدي يبـقـه يـنـتـضر
يا صبر من الجره ما ضـل صبـر

يدعي الله تنفرج اخبارها
""""""  """"""  """"""  """""""

ناس تحكم ماكو ذمه ولا ضـمير
اليجره بـيـنه هذا عاجبها اليصير
والفقير بهل الـوكت ضاع الفقير
يمته تظهر سيدي تشوف اليصير

اهواي ناس تغيرت افكارها
"""""   """""  """"""  """""""

عليك زينب يا ابو صالح والكفيل
عليك حـيـدر والـزجيـه والعليل
عليك دمعة كل يتيمه من تسيل
لا تـخلـي دربـك عـلينـا طويل

غيبتك ما نحتمل اعذارها
"""""  """"""  """"""


الشاعر الاستاذ امـجـد الـزيادي