يا بويه كسرولي الضـلع | الشاعر أمجد الزيادي

يا بويه كسرولي الضـلع
أمسـح دمـع ينزل دمـع
دفعوا الباب بحقدهم
                        حرمه ما بيه اردهم
        امسح دمع ينزل دمع
•••••  •••••  ••••••  ••••••  ••••••

أيدي على ضلعي انلجم   من الصحـابه
وصـيت بـيه ومـا رعـوا   الله وحجابـه
كلـبي يـسولـفـلك ألـم   حالي وعتابـه
مو بـنـتك أنــه فاطـمـه  الحك يـبـابـه

يا بويه خـلونـي بألـم
دفعوا البـاب بلا شيم

جاهليه مو بعدهم
                   حرمه ما بيه أردهم
*  * **** * *

باب اندفع محسن وكع    هاي الهـضيمه
يا بويـه بسمـار ونبـت   شنهي الضليمه
لو تدري حالي بغيـبتك   الـلـه عـلـيمـه
اسمعت من بابي اندفع  صرخت يـتـيمه

يا بويه من بابي انـدفـع
فوك الارض محسن وكع 

يا بويه بعيوني شفتهم
                    حرمه ما بيه اردهم
* * * * ****

لولا الوصـيه والـفـتن    حامي الحميه
لا ابن قحافه ولا عمر     يدنـه الـــيه
يا بويـه ما حفظوا أبد     ذيج الـوصيه
اترابك يبويه مـا نشف    هجموا عـليه

شال ايده يا بويه النذل
موقف فلا يدخـل عقـل

منهو أنه كلمتهم
                حرمه ما بيه أردهم
** ** ** **
اثمنطعش يا بويه العمر   لسـه بشبابي
الجانوا صحابه من رحت   رسموا عذابي
أه الضليمه مــن الجره    بلـيلة مصابي
كسروا ضلع طاح الولد    واحركوا بابي

وبكلبي خلوا جم جرح
اتمنيت ما يطلع صبح

بويه مو خانوا عهدهم
                     حرمه ما بيه أردهم
* * * * ****

كل شهكه يا بويه أجـر    يلجمني ضلعي
يا بويه وعيوني عمـن     من كثر دمعي
ريتك يبو الزهره تجي    وتشوف وضعي
يا فضه أسنديني صحت   ليه اســرعـي

لوشفت يا بويه الجره
عالبيعه جبروا حيـدره

مو صحابه اللي عفتهم
                      حرمه ما بيه أردهم
********************
الشـاعـر الاسـتاذ
امجد كريم الزيادي