بالدمع جيت على كبرك ضلعي ضلعي | الشاعر امجد الزيادي

(( خطاب فاطمة الزهراء مع أبيها النبي محمد "ص"  وهي واقفه على قبره بعد ما جرى عليها من مصائب))

........،،،......،،،......،،،......،،،.....

بالدمع جيت على كبرك    ضلعي ضلعي

بالجره عليه ارد اخبـرك   ضلعي ضلعي

كوم وانضر حالتي لمن رحت

ريت كبل اللي جره أنه متت

.،،،.،،،.،،،.،،،.،،،،.،،،.،،،،.،،،،.؛،،،،.،،،

 بويه أجيت ولابـسه حـزن اللـيالـي

وين اروحن بويه بس انته على بالي

بلكي تسمعني ارد اوجهلك سؤالـي

الله هم يقبل يبـويه عـلى الجـرالـي

حايره بيش ابتديلك.   صعبه صعبه

بويه ما تفزع دخيلك  صعبه صعبه

تدري بالشده الك انه صحت

ريت كبل اللي جره انه متت

.'''.'''.'''.'''.'''.'''.'''.'''.'''.'''.'''.'''

 اتأمروا ناس اليسموهم صـحابه

رادوا يكشفون ستر الله وحجـابه

ما رعوا بيت النبي ومهبط كتابـه

ادعـي الله ينـزل عـليهـم عـذابه

شرد اسولف عن مصابي   حسره حسره

بويه تدري احركـوا بابـي   حسره حسره

 عكب خدري بلا خدر هسه صرت

ريـت كبـل اللي جـره انـه متـت

.'''.'''.'''.'''.'''.'''.'''.'''.'''.'''.'''.'''.

بيا سبب وبيا ذنب هجموا عـليـه

اتجاهلوا من النبي ذيـچ الوصيه

دفعوا الباب ونـبت بسمار بـيـه

ما رعوا حرمة علي وحرمة نبيه

صبوا عليه حقـدهـم   بويـه بويـه

حرمه ما بيه اردهـم   بويـه بويـه

للستر عالباب تدري من لذت

ريت كبل اللي جره انه متت

.'''.'''.'''.'''.'''.'''.'''.'''.'''.'''.'''.'''.

الله يلعن عمـر واللـي يساعـده

الله يلعن بالـظلـم كـلمـن بــده

هـذا جـبرائـيـل صـوت يــردده

الصاره بالزهره فلا صار او سده

بالجـره عـليه يـغـالـي   تدري تدري

 بغيبتك شنهي الجرالي   تدري تدري

تدري بويه شكثر أنه أتعذبت

ريت كبل اللي جره أنه متت

.'''.'''.'''.'''.'''.'''.'''.'''.'''.'''.'''.'''.

حركوا الباب وسقط محسن جـنيني

بويه أجيت ويسبق الكـلـمه ونـيني

لـيش بـالحسرات خـتمـوها سنيني

ما هو انته ولا عـلي يكدر يجيـنـي

من رحت طـول الليالي  دمعي دمعي

تدري يا بويه  بـقالـي  دمعي دمعي

من عفتني أنه چم محنه شفت

ريت كبل اللي جره أنه مـتـت

.'''.'''.'''.'''.'''.'''.'''.'''.'''.'''.'''.'''

الـشـاعر الاستاذ أمجد الزيادي